දැවැන්ත යකඩ කුට්ටි එසවීම සඳහා යොදා ගනු ලබන යෝධ ක්රේන් යන්ත්රයක් උපයෝගි කොටගෙන කුඩා කුකුල් බිත්තරයක් කටුව නොකැඩෙන ආකාරයෙන් ඉහළට එසවීම එක්කෝ පිස්සු වැඩකි. නැතහොත් අති ශූර ක්රියාවකි. ක්රේන් යන්ත්රය-බර ටොන් 3 යි බිත්තරය අවුන්ස 2 යි.මේ ක්රියාව අභියෝගයක් ලෙස ගනු ලැබුවේ චීනයේ විශාලතම තෙල් නිෂ්පාදන සමාගමේ ක්රේන් ක්රියා කරවන්නෙකු ලෙස කටයුතු කරන ෆැන් චුද්ලින් විසිනි. ඔහුගේ සාමාන්ය කාර්යභාරය වන්නේ අති දැවැන්ත තෙල් ගෙනයන පයිප්ප ක්රේන් යන්ත්රයේ ආධාරයෙන් එහා මෙහා ගෙනයෑමයි.
ටොන් තුනක් බරැති මෙම යෝධ ක්රේන් යන්ත්රය සාමාන්යයෙන් යොදා ගනු ලබන්නේ යෝධ වැඩ සඳහා මිස බිත්තරයක් වැනි සුළු දෙයක් එසවීම සඳහා නොවේ. එසේ ම බිත්තරයේ කටුව නොබිඳෙන අයුරින් ක්රේන් අඬුවෙන් අල්ලාගෙන ඉහළට එසවීම ඉතා පරිස්සමින් කළයුතු සියුම් ක්රියාවකි.
ක්රේනයේ දැවැන්ත යකඩ කට සැදී ඇති යකඩ පටිවලින් මෙම බිත්තරය අල්ලගෙන ඉහළට ඔසවා ගනු ලැබුවේ ඔහුගේ මිතුරන් ගේ ඔල්වරසන් මධ්යයේය.
තම ක්රේන් යන්ත්රය උපයෝගී කරගෙන ඉතා ම කුඩා දේවල් අල්ලා ගැනීම චුන්ලින් ගේ විනෝදාංශයක් වෙයි.