මෙම සිද්ධියට අදාළ සිසුවා කරාතේ උපදේශකවරයකු වූ කළුපටිධාරි ග්රාම නිලධාරිවරයා වෙත පැමිණ ඇත්තේ මෙම සිද්ධියට වසර 05 කට පමණ පෙර කුඩා අවධියේදීය. ඔහුගේ වයස අවුරුදු 14 වන විට සිසුවා දක්ෂ කළුපටිධාරියෙකි. ඒ වන විට ග්රාම නිලධාරි කරාතේ ගුරුතුමා සිසුවා කෙරෙහි දැඩි ගිජුකමක් දක්වා ඇත. පසුව ඔහු එම සිසුවා ඔහුගේ කරාතේ පංතිය පවත්වන ස්ථානයට නුදුරින් පදිංචි අවිවාහක ග්රාම නිලධාරිනියගේ නිවසේ උඩු මහලට කැඳවා ගෙන ගොස් ලිංගික අපයෝජනයට ලක් කර ඇත. ටික කලක් ගතවෙත්ම අවිවාහක ග්රාම නිලධාරිනිය තම ආශාවන් සන්තර්පනය කර ගැනීම සඳහා සිසුවා තමා වෙත යොමු කරන ලෙස කරාතේ උපදේශක ග්රාම නිලධාරියාගෙන් ඉල්ලා ඇත. එම ඉල්ලීම එසේම ඉටුවිය. ඉන් අනතුරුව එම ග්රාම නිලධාරි යුවළ පුරා වසර දෙකක් හවුලේ ග්රාම නිලධාරිනියගේ නිවසේ දී සිසුවා ලිංගික අපචාර ක්රියාවලියකට ලක්කොට ඇත.
කල්ගත වෙත්ම සිසුවාට ග්රාම නිලධාරිනියගේ ඉල්ලුම වැඩිවීම නිසා සිසුවාට බලවත් මානසික පීඩාවකට ලක්ව රෝගාතුර වී ඇත. පසුව සිසුවාගේ මව ඔහු මානසික වෛද්යවරයකු වෙත ඉදිරිපත් කර ඇත. සිසුවා එහිදී මෝහනයකට ලක් කළ අවස්ථාවේ සිසුවා එම කාම පුවත එළි දක්වා ඇත. වහා ක්රියාත්මක වූ සිසුවාගේ දෙමාපියන් එම අපචාර ක්රියාව පිළිබඳව ජාතික ළමාරක්ෂක අධිකාරිය වෙත පැමිණිලි කොට තිබේ. ඒ අනුව ඔවුන් සීදුව පොලිසිය මගින් සැකකරුවන් අත්අඩංගුවට ගෙන තිබේ. සීදුව පොලිසියේ වැඩ බලන ස්ථානාධිපති පොලිස් පරීක්ෂක ටී.ආර්. එම්. එස්. සී. රණසිංහ මහතා සිද්ධියේ විමර්ශන කටයුතු අවසන් වී නොමැති බව අධිකරණයට වාර්තා කළේය. විත්තිය වෙනුවෙන් නීතිඥ අතුල ප්රනාන්දු සහ ජ්යෙෂ්ඨ නීතිඥ නලීන් විලියම් යන මහත්වරුන් පෙනී සිටියහ.